«Ռոյթերս» լրատվական գործակալությունը նյութ է պատրաստել «Վրացական երազանք» դաշինքի առաջնորդ Բիձինա Իվանիշվիլիի մասին, որը հաղթեց Վրաստանում հոկտեմբերի 1-ին կայացած խորհրդարանական ընտրություններում:
Գործակալությունը գրում է, որ մի տարի առաջ քչեր գիտեին, թե ինչ տեսք ունի միլիարդատեր Բիձինա Իվանիշվիլին: 56-ամյա մեծահարուսը նախկին խորհրդային պետությունում հայտնի էր որպես շռայլորեն ծախսող բարերար, որի տպավորիչ առանձնատունը նայում էր ողջ Թբիլիսիին:
Նա ատում էր հրապարակայնությունը և խուսափում էր լուսանկարիչներից: Ամեն ինչ փոխվեց անցած տարվա հոկտեմբերին, երբ նա հայտարարեց, որ մտնում է քաղաքականություն: Իր անձնական կյանքը լքելը նա պատճառաբանել էր հայրենիքի հանդեպ ունեցած սիրով ու կառավարության դեմ պայքար մղելու անհրաժեշտությամբ, որին մեղադրում էր հարուստների և աղքատների միջև անջրպետ ստեղծելու մեջ: Այս մասին գրում է «Ռոյթերսը», որին մեջբերել է «Հյուրիեթը»:
Կարդացեք նաև
