Ավելի քան 80 կրթաթոշակ Հայաստանի ուսանողների, բուհավարտների և գիտնականների համար
Մինչև 2012թ. հոկտմեբերի 31-ը հայ ուսանողները, բուհավարտներն ու գիտնականները հնարավորություն ունեն դիմել DAAD-ի կրթաթոշակային ծրագրերին:
DAAD-ն (Գերմանական ակադեմիական փոխանակման ծառայությունը) ակադեմիական փոխանակմանն օժանդակող ամենամեծ կազմակերպությունն է աշխարհում: DAAD-ն Հայաստանում հանդես է գալիս 1996թ.-ից, իսկ որպես տեղեկատվական կենտրոն 2004թ.-ից: DAAD-ն կրթաթոշակներ է տրամադրում բոլոր մասնագիտություններով բուհավարտներին, ուսանողներին ու գիտմականներին:
Անկախացումից ի վեր ավելի քան 1800 հայեր ֆինանսական օժանդակություն են ստացել DAAD-ից` իրենց գիտահետազոտական աշխատանքների իրականացման համար:
Գերմանիան համարվում է աշխարհի ամենասիրված կրթական երկիրը:
Գերմանական բուհերն անգլերեն լեզվով առաջարկում են ավելի քան 100 միջազգային բակալավրի դասընթացներ, 650 մագիստրոսական և մոտ 300 ասպիրանտական դասընթացներ: Գերմանական բուհերի շրջանավարտները մրցունակ են համարվում ամբողջ աշխարհում, ունեն մեծ հնարավորություններ միջազգային աշխատաշուկայում բարենպաստ առաջարկներ ստանալու:
Գերմանիայում բարձրագույն կրթություն ստանալու բոլոր հնարավորությունների մասին Դուք կարող եք տեղեկանալ համացանցում` հետևյալ հասցեով` www.daad.am
Մանրամասն տեղեկությունների համար դիմել Երևանյան տեղեկատվական կենտրոն, հետևյալ հասցեով` Սարմեն փողոց 82, 0019 Երևան:
