Ինչպես արդեն տեղեկացրել ենք, Կենտրոն եւ Նորք-Մարաշ վարչական շրջանների ընդհանուր իրավասության դատարանում ընթանում է ազերի ոճրագործ Սաֆարովի կողմից կացնահարված Գուրգեն Մարգարյանի եղբոր՝ Վահրամ Մարգարյանի եւ Բորիս Հակոբյանի դեմ հարուցված քրեական գործով դատաքննությունը:
Aravot.am-ի տեղեկություններով, երբ Բորիս Հակոբյանը դատարանում ցուցմունք տվեց, որ անցյալ տարվա օգոստոսի 2-ին Զաքիյան փողոցում ինքն էր սպանել Ռուսաստանի գործարար Խաչիկ Գալոյանին, մեղադրանքի կողմի համար որոշակի «դժվարություններ» են ստեղծվել: Բանն այն է, որ մեղադրական եզրակացության համաձայն, այդ սպանությունը կատարել էր Վահրամ Մարգարյանը:
Բորիս Հակոբյանն ասաց, որ ինքն է 5 անգամ կրակել, նկարագրեց, թե ինչպես է հետապնդել Խաչիկին:
Կարդացեք նաև
Aravot.am-ի տեղեկությամբ, առաջիկա դատական նիստին Երեւան քաղաքի դատախազի տեղակալ, մեղադրանքը պաշտպանող Արմեն Աֆանդյանը կհրաժարվի Վահրամի դեմ առաջադրված մեղադրանքից:
Ռուզան ՄԻՆԱՍՅԱՆ
