Եվրոպայի խորհրդի խոշտանգումների և անմարդկային կամ արժանապատվությունը նվաստացնող վերաբերմունքի կամ պատժի կանխարգելման եվրոպական կոմիտեն (ԽԿԿ) զեկույց է պատրաստել 2011թ. դեկտեմբերին Հայաստան կատարած այցի հիման վրա, դրա հետ միասին հրապարակել է զեկույցին տված Հայաստանի կառավարության պատասխանը: Այս փաստաթղթերը հրապարակվել են Հայաստանի կառավարության խնդրանքով:
2011թ. այցը նպատակ ուներ գնահատելու ԽԿԿ-ի առաջարկությունների հիման վրա Հայաստանի իշխանությունների ձեռնարկած քայլերը, մասնավորապես գնահատելու ցմահ բանտարկյալների նկատմամբ վերաբերմունքը:
Թեև պատվիրակությունը չի նկատել բանտարկյալների նկատմամբ որևէ ֆիզիկական խոշտանգում, բայց նյութապես աղքատ միջավայրն ու աղքատ ռեժիմը ԽԿԿ-ն դիտարկել է որպես անմարդկային վերաբերմունք:
Հայաստանի կառավարության պատասխանի մեջ նշված է, թե ինչ քայլեր են ձեռնարկում իշխանությունները կոմիտեի կողմից առաջ քաշած խնդիրները լուծելու համար: Մասնավորապես շեշտվում է, որ խնդիրներից շատերը լուծում կստանան 2013թ. Արմավիրի նոր բանտը շահագործելուց հետո:
Կարդացեք նաև
