Երկրորդ նախագահ Ռոբերտ Քոչարյանի՝ Վարդան Օսկանյանին անձեռնմխելիությունից զրկելու միջնորդագրի մասին տարածած հայտարարությանը ՀՀԿ խմբակցության ղեկավար Գալուստ Սահակյանը չի հավատում: Ըստ նրա, «նախադեպեր են հյուսվում, որ նախկին նախագահը որոշակի ժամանակ լռում է եւ ինչ-որ մի բան կարող էր ասել: Բայց հավաստի չի հայտարարության որակը, տեքստը: Նաեւ չեմ տեսնում երկրորդ նախագահի բնույթը հայտարարության մեջ»:
Հարցին՝ ըստ Ձեզ խորհրդարանը ինքնավարկաբեկվե՞ց դրանով, թե՞ չէ՝ նա պատասխանեց. «Նայած ով ինչպես կմտածի: Դա սկզբունքային է: Ի դեպ, ձեւավորվել է նաեւ Ռոբերտ Քոչարյանի նախագահության օրոք: Որոշակի խնդիրներ են առաջանում պատգամավորների վերաբերյալ: Որեւէ դեպք չունենք, որ խորհրդարանը մտածի, որ քրեական գործերի համար միջոց դառնա: Մենք ունենք լիազորված մարմիններ, լիազորված մարմիններին պիտի հավատանք, որ խնդիրը թնջուկ չդառնա, ինչ որ պահի լուծումներ գտնի: Ես զարմանում եմ, որ անընդհատ կրկնվում է ԲՀԿ կուսակցության անդամ Վարդան Օսկանյանը: Այս դեպքում Վարդան Օսկանյանը պատգամավոր է, ինչպես մյուսները, այնպես էլ՝ նա»:
Հարցին՝ ի՞նչ պետք է ասեր Ռոբերտ Քոչարյանը, որ հավատայիք, որ դա ինքն է, իր բնույթն է՝ նա պատասխանեց. «Նախ, բառապաշարը մտածողության ձեւ է: Դա բնավորություն եւ երկրորդ նախագահ որպես գործիչ՝ չի համընկնում իրար: Ես աշխատել եմ Ռոբերտ Քոչարյանի հետ, բավականին լուրջ կարծիք ունեմ նրա նկատմամբ»:
Կարդացեք նաև
Հռիփսիմե ՋԵԲԵՋՅԱՆ
