Ադրբեջանը միջազգային հանրության քննադատությունը շահելու ռիսկից՝ չի հանդգնի հարձակվել քաղաքացիական օդանավերի վրա: NEWS.am-ի թղթակցի հետ հարցազրույցում ասել է Կարնեգիի ֆոնդի փորձագետ, Հարավային Կովկասի հարցերի մասնագետ Թոմաս Դե Վաալը՝ մեկնաբանելով Ստեփանակերտի միջազգային օդանավակային բացման մասին տեղեկատվությունը: «Ցավոք, կարծում եմ շփման գծում լարվածություն կարելի է սպասել, քանի որ դա հայկական կողմի վրա ճնշում գործադրելու Ադրբեջանի միակ գործիքն է»,- ասաց Դե Վաալը:
Նրա կարծիքով՝ այնուամենայնիվ Երեւանից Ստեփանակերտ չվերթներին այնուամենայնիվ կիրականացվեն:
Ավելի վաղ NEWS.am-ը հայտնել էր, որ Ստեփանակերտի օդանավակայանը սկսել է գործել հոկտեմբերի 1-ից: Օդանավակայանի գործարկման մասին հայտարարությունից հետո ադրեջանական բազմաթիվ պաշտոնյաներ, այդ թվում՝ այդ երկրի Քաղաքացիական ավիացիայի վարչության ղեկավարը, հայտարարել են, որ իրավունք են վերապահում ոչնչացնել Ստեփանակերտ թռչող ինքնաթիռները:
Հիշեցնենք, որ ԽՍՀՄ տարիներին Ստեփանակերտի օդանավակայանը միջին եւ փոքր հեռավորության չվերթներ էր ընդունում: Ղարաբաղյան պատերազմի ժամանակ օդանավակայանն ամբողջությամբ ավիրվել էր: Նորկառույց օդանավակայանը կսպասարկի Երեւան-Ստեփանակերտ-Երեւան չվերթը:
Կարդացեք նաև
