«Պայմանավորվածություն չի եղել, որ Րաֆֆի Հովհաննիսյանն ու Խաչատուր Քոքոբելյանը վայր պիտի դնեն իրենց մանդատները»,- Henaran.am-ի հետ զրույցում ասաց «Ազատ դեմոկրատների» խոսնակ Անժելա Խաչատրյանը:
Հիշեցնենք, «Ժառանգության» առաջնորդ Րաֆֆի Հովհաննիսյանը այսօր հայտարարել է, որ երկու կուսակցությունների ղեկավարները պայմանավորվել են ցած դնել կամ ուղղակի չվերցնել մանդատները: Սակայն խոսնակի խոսքով` իրենց կուսակցության վարչությունը նման հարց չի քննարկել:
«Յուրաքանչյուր մարդ ինքն է որոշում` ինչպես վարվել իր մանդատի հետ: Գոյություն ունի հասարակության որոշում, գոյություն ունի ժողովրդի որոշում, ժողովրդի կողմից վստահված ձայները վայր դնելը այդքան հեշտ չէ անել» ,-ասաց Խաչատրյանը:
«Մենք նույնիսկ դեմ ենք, որ Րաֆֆի Հովհաննիսյանը վայր դնի իր մանդատը»,-հավելեց կուսակցության խոսնակը:
Խոսնակի տեղեկացմամբ` «Ազատ դեմոկրատների» նախագահ Խաչատուր Քոքոբելյանը բուժման նպատակով արտերկրում է: Մի քանի օրից նա կվերադառնա, և Րաֆֆի Հովհաննիսյանի խոսքերով` պարզաբանումներ կտա «ժառանգության» առաջնորդին:
