Թուրքական դիվանագիտությունը շարունակում է Հայաստանի հետ հարաբերությունների բարելավումը կապել Ղարաբաղի խնդրին: Այս մասին կիրակի օրը, Թուրքիայի իշխող «Արդարություն եւ զարգացում» կուսակցության Անկարայում կայացած չորրորդ համագումարի ժամանակ հայտարարեց երկրի վարչապետ Ռեջեփ Էրդողանը:
«Հայաստանը, հայերը եւ այն ուժերը, որ կանգնած են նրանց թիկունքին` թե՛ այստեղ` Թուրքիայում, եւ թե՛ Թուրքիայից դուրս, պարտավոր են հստակ գիտակցել, որ քանի դեռ մեր ադրբեջանցի եղբայրների իրավունքները չեն վերականգնվել, Հայաստանի հարցով Թուրքիայի դիրքորոշումը անփոփոխ է մնալու», – նշեց Էրդողանը` հավելելով. – «Թե’ Ղարաբաղի եւ թե’ Կիպրոսի պարագայում մենք շարունակելու ենք հավատարիմ մնալ մեր սկզբունքներին»:
«Ազատություն» ռադիոկայան
