«Այն, ինչը որ գրավոր տեսքով մեզ արդեն բաժանվել է, մենք համարում ենք անհիմն: 131 պատգամավորների համար պատրաստել ենք մեր դիտարկումները, ավելի ճիշտ՝ ճշմարտությունը, ներկայացնելու ենք իրենց՝ մնացածը թողնելով իրենց դատին եւ գնահատականներին»,- Aravot.am-ին ասաց ԲՀԿ մամուլի խոսնակ Տիգրան Ուրիխանյանը:
Հիշեցնենք, որ ՀՀ գլխավոր դատախազը միջնորդագիր է ներկայացրել խորհրդարանին՝ ԲՀԿ խմբակցության պատգամավոր Վարդան Օսկանյանին «Սիվիլիթասի» գործով, որպես մեղադրյալ ներգրավելու համաձայնություն տալու վերաբերյալ:
«Երկուշաբթի օրը, ճիշտ այն պահին, երբ ՀՀ ԱԺ լիագումար նիստում տեղի կունենա միջնորդության փաստը, լրատվամիջոցներին եւ հանրությանը հայտնի կդառնա մեր գործողությունների եւ արձագանքի մասին»,- ասաց ԲՀԿ մամուլի խոսնակը:
Կարդացեք նաև
Նա զերծ մնաց կանխատեսումներ անել, թե ինչպե՞ս կքվեարկի խորհրդարանը: Հետաքրքրվեցինք՝ չե՞ն փորձում նախապես քաղաքական խորհրդակցություններ անել խորհրդարանական մյուս խմբակցությունների հետ: Պատասխանը եղավ. «Ասելիքս այսքանն էր: Մնացածը՝ երկուշաբթի»:
Նելլի ԳՐԻԳՈՐՅԱՆ
