Ռուս ճանաչված պրոումոթեր Վլադիմիր Խրյունովը լրատվամիջոցներին տեղեկացրել է, թե սկսել է բանակցություններ վարել հանրահայտ պրոումոթեր Գերի Շոուի հետ: Նա մտադիր է այս տարվա դեկտեմբերին Բալաշիխայում մենամարտ կազմակերպել իր սան, IBO չեմպիոն, 31-ամյա Ալեքսանդր Բախտինի եւ 36-ամյա Վախթանգ Դարչինյանի միջեւ: «Ալեքսանդրը բոլորովին վերջերս է նվաճել IBO չեմպիոնի գոտին եւ մտադիր չէ դրանով սահմանափակվել: Իսկ Վախթանգը հետաքրքիր, փորձառու եւ վտանգավոր մրցակից է, որի հետ մենամարտը հետաքրքիր կլինի մարզասերների եւ մասնագետների համար», – հայտարարել է Խրյունովը:
Աշոտ ՀԱԿՈԲՅԱՆ
