Նախօրեին Գագիկ Ջհանգիրյանը հայտարարեց, որ ՀՀ կառավարությունը փոխհատուցել է 2008 թվականի մարտի 1-2-ի իրադարձությունների արդյունքում տուժած խանութների սեփականատերերին: Նրանց թվում է նաեւ ՀՀԿ-ական պատգամավոր Սամվել Ալեքսանյանը: «Առավոտը» փորձեց պարզել՝ ստացե՞լ է պարոն Ալեքսանյանը փոխհատուցում եւ արդյոք գո՞հ է գումարի չափից: Վերջինիս օգնականը թեեւ խոստացավ ճշտել ու ասել, սակայն հետո այդպես էլ չարձագանքեց մեր զանգերին: Այս առիթով ՀՀ կառավարությանն ուղղված գրավոր հարցերի պատասխանները կներկայացնենք առաջիկայում:
«Առավոտ» օրաթերթ
