Քիչ առաջ Վերաքննիչ դատարանում սկսվեց ՀԱԿ ակտիվիստներ Տիգրան Առաքելյանի, Դավիթ Քիրամիջյանի, Սարգիս Գեւորգյանի եւ Արտակ Կարապետյանի դատը: Քանի որ Սարգիսը մի փոքր ուշանում էր, նախագահող դատավոր Արմեն Դանիելյանը 20 րոպե ընդմիջում հայտարարեց, մինչեւ վերջինս կգա: Երբ Տիգրանին ձեռնաշղթաներով բերեցին ու ընդմիջման ժամանակ ձեռնաշղթաներով տարան՝ դահլիճում նստած մի կին սկսեց հոնգուր-հոնգուր լացել՝ «Վաաա՜խ, Տիգրանս նիհարել է: Էնպես էլ արագ ձեռնաշղթաներն անցկացնում են՝ ոնց որ մարդասպան լինի»: Մենք հետաքրքրվեցինք՝ հարազատների՞ց եք Տիգրանի: Կինը, արցունքները սրբելով վստահեցրեց, որ ուղղակի քաղաքացի է, որը ցավում է այս տղաների համար: Տիգրանը, դահլիճից դուրս գալուց առաջ՝ նայելով մեղադրող կողմին՝ դատախազ Հակոբ Մարտիրոսյանին՝ ասաց. «Մեղադրողը չի նայում աչքերիս: Չի կարողանում նայել»:
Կարդացեք նաև
Հռիփսիմե ՋԵԲԵՋՅԱՆ
