Երեկ հայտնել էինք, որ երգչուհի Անի Քրիստին ԱՄՆ-ում ավտովթարի է ենթարկվել. արդեն պարզ են դարձել վթարի մանրամասները: Երգչուհին լրատվամիջողներին ասել է, որ իր վարած «Range Rover Evoqueժ» 2012 թվականի արտադրության ավտոմեքենայով շտապելիս է եղել ընկերուհու մոտ, ում բալիկն անզգույշ խաղալու հետեւանքով վնասվածքներով տեղափոխվել էր հիվանդանոց: Անի Քրիստին նշել է նաև, որ զուգահեռ ընթացող ավտոմեքենան ուժեղ հարվածել է իր մեքենային այն ժամանակ, երբ ինքը փորձել է ձախ թեքվել: Նշեմ, որ ավտովթարը տեղի է ունեցել Լոս Անջելեսի Լոս Ֆելիզ փողոցում: Վերջում երգչուհին ավելացրել է նաև, որ հիմա թե’ իր, և թե ընկերուհու փոքրիկի հետ ամեն ինչ նորմալ է:
Տիգրանուհի Թասլակյան
