Եվրոպական միության ընդլայնման և հարևանության քաղաքականության հարցերով հանձնակատար Շտեֆան Ֆյուլեն այսօր հանդիպում է ունեցել Հայաստանի վարչապետ Տիգրան Սարգսյանի հետ:
Լրագրողների հետ հանդիպման ժամանակ նա ասաց, որ վարչապետի հետ բովանդակալից քննարկում է ունեցել. «Բանակցող թիմի մոտ որեւէ կասկած չթողեցինք , որ պատրաստակամ ենք օժանդակել Հայաստանի եվրոպական ընթացքին`ի շահ Հայաստանի քաղաքացիների, Հայաստանի Հանրապետության եւ Եվրոպական միության: Լուրջ հիմքի վրա ենք կանգնում եւ առաջ ենք շարժվում լուրջ հենակետից: Արդեն դրական փոփոխություններ եղել են, մենք դա գնահատեցինք` Հայաստանին լրացուցիչ 15 միլիոն եվրո հատկացնելով` «Ավելին ավելիի դիմաց» սկզբունքի շրջանակում: Ընդամենը մի քանի րոպե առաջ վարչապետի հետ 43 միլիոն եվրոյի օժանդակության վերաբերյալ 2 համաձայնագիր ենք ստորագրել, որը կնպաստի, որ Հայաստանի հաստատությունները նախապատրաստվեն Եվրոպական միությանը քաղաքական ասոցացմանն ու տնտեսական ինտեգրմանը»:
Պարոն Ֆյուլեի խոսքերով, քննարկել են նաեւ, թե ինչպես մեկտեղ հավաքել Հայաստանի միջազգային գործընկերներին, որ արտաքին աջակցությունն ուղղվի ազգային ամենահրատապ բարեփոխումների իրականացմանը:
Կարդացեք նաև
Նա նաեւ ասաց, որ այս համաձայնագիրը չի սահմանափակվում ազատ առեւտրի սովորական պայմանագրի նման պայմանագիր լինելով: Այս համաձայնագրով ԵՄ-ն Հայաստանի առջեւ կբացի իր ներքին շուկային վերաբերող իրավական կարգավորումների մի զգալի մասը :
Արփինե ՍԻՄՈՆՅԱՆ
