Առողջապահության նախարար Դերենիկ Դումանյանն այսօր Aravot.am-ի հետ զրույցում անդրադարձավ կառավարության անդամների հետ ունեցած ՀՀ նախագահ Սերժ Սարգսյանի խորհրդակցությանն ու ասաց, որ դիտողություններն ընդունել են եւ արագ արձագանքել: Ըստ նրա.«Օրենքի նախագիծ ենք մշակում, որ կարգավորենք դեղորայքի գնագոյացումը , ուժեղացնենք հսկողությունը ոլորտում: Այդ խնդիրները շատ վաղուցվանից են ,10 տարուց ավելի»:
Մեր դիտարկմանը, թե տեղեկություններ կան, որ ոլորտում գոյացած խնդիրներն ու «ատկատները» նախորդ նախարար Հարություն Քուշկյանի պաշտոնավարման օրոք են առաջացել, պարոն Դումանյանը հակիրճ պատասխանեց ՝ չգիտի ու չի կարող ասել, ինքը ոլորտում «ատկատներ» հայտնաբերելու համար չէ, միայն պատասխանատու է, որ իր ժամանակ նման բաներ չլինեն, ու հեռացավ:
Արփինե ՍԻՄՈՆՅԱՆ
