«Ա-մոթ ՎՏԲ, ա-մոթ ՎՏԲ» վանկարկումներով, այսօր մի խումբ բնապահպան երիտասարդներ «ՎՏԲ-Հայաստան» բանկի առաջ բողոքի ակցիա էին կազմակերպել: Բնապահպանները «Գլոբալ էկոլոգիական հիմնադրամին» (GEF) կոչ էին անում ՎՏԲ-ին գցել սեւ ցուցակ եւ որեւէ կերպ չֆինանսավորել նրա գործունեությունը, քանի որ այս բանկը աջակցում է հանքարդյունահանող այնպիսի ընկերությունների, որոնք «աղետաբեր են Հայաստանի համար»: Խոսքը, մասնավորապես, վերաբերում է Թեղուտի հանքավայրի շահագործմանը, որի ֆինանսական հովանավորներից մեկը ՎՏԲ-ն է:
Բնապահպան ակտիվիստները երթով շարժվեցին դեպի «Մարիոթ» հյուրանոց, որտեղ այդ պահին ընթանում էր «Գլոբալ էկոլոգիական հիմնադրամի» երկրների խմբերի ընդլայնված աշխատաժողովը, որին մասնակցում էր նաեւ ՀՀ բնապահպանության նախարար Արամ Հարությունյանը:
Կարդացեք նաև
Բնապահպանների ներկայացմամբ, էկոլոգիապես վտանգավոր հանքարդյունաբերության պատճառով, այսօր մեր երկրում մտավոր հետամնաց երեխաների թիվն ավելացել է. «ՎԸԲ-ն էլ իր ֆինանսական գործարքներով նպաստում է դրան` վտանգելով Հայաստանի ապագան»:
Ակցիայի ակտիվիստների մտահոգությունների մանրամասները` տեսանյութում.
Լուսինե ԲՈՒԴԱՂՅԱՆ
