«Դը Ֆայնենշըլ» թերթը գրում է՝ ըստ Վրաստանի ներքին գործերի նախարարության 2011-ին 529 օտարերկրացի է տուժել հանցագործության պատճառով, իսկ հանցանք է կատարել 329 օտարերկրացի: Թուրքիան, Հայաստանը, Ռուսաստանը, Բանգլադեշը և Իրանը Վրաստանի օտարերկրյա օրինախախտների առաջատար հնգյակում են:
Թերթը գրում է՝ թեպետ Վրաստանը աշխարհի ամենաանվտանգ երկրներից մեկն է համարվում, սակայն Վրաստանի արդարադատության նախարարության կողմից անցկացված հանցագործության և անվտանգության հետազոտության տվյլաներով մոտակա ժամանակներում հանցագործությունների թիվը կաճի այնտեղ:
«2012-2014թթ. մեծ քանակությամբ բանտարկյալներ են ազատ արձակվելու, ինչն էլ պատճառ կդառնա հանցագործությունների աճին: Վիճակագրությունը ցույց է տալիս, որ բանտարկյալների 60%-ը ազատ արձակվելուց հետո վերադառնում է հանցագործ կյանքին, քանի որ նրանց համար աշխատատեղեր գրեթե չեն լինում», – Իրավաբանական գիտությունների դոկտոր Ջիորջի Գլոնտիի կարծիքն է փոխանցում թերթը:
Կարդացեք նաև
