Վաղ առավոտից ֆեյսբուք սոցիալական ցանցում շրջանառվում է այն հարցը, թե արդյոք հայտնի դերասանուհի, ՄԱԿ-ի փախստականների հարցով գերագույն հանձնակատարի բանագնաց ԱնԺելինա Ջոլին տառապում է հեպատիտ C-ով: Բանն այն է, որ նման պնդմամբ հանդես է եկել ամերիկյան ժամանցային «National Esquirer» պարբերականը եւ տեղեկատվության հավաստիացումը կապվում է այն բանի հետ, որ «Apple» ընկերության հիմնադիր Սթիվ Ջոբսի հիվանդության լուրը նույնպես այս պարբերականն էր հրապարակել: Համաձայն այդ պնդման` 38-ամյա դերասանուհու հիվանդության մասին է վկայում նաև նրա հյուծվածությունը. Ջոլին ընդամենը 45 կգ է կշռում:
Օգտատերերից շատերը հույս են հայտնում, որ պարբերականի տված լուրը դեռ կարող է չհամապատասխանել իրականությանը եւ այնուամենայնիվ, դերասանուհուն մաղթում առողջություն: «Առողջություն Ջոլիին. նա իրոք առաքելությամբ է ծնվել»,-նշել է օգտատերերից մեկը:
Չնայած այս ամենին՝ Ջոլին շարունակում է իր շրջագայությունը: Վերջերս նա Թուրքիայում այցելել էր սիրիացի փախստականներին, ապա եղել Իրաքում, իսկ այժմ պատրաստվում է մեկնել Ֆրանսիա:
Քրիստինա Միրզոյան
