ՌԴ պաշտպանության նախկին նախարար, բանակի գեներալ Պավել Գրաչովը Հայաստանի ու հայ ժողովրդի կյանքում ունեցել է շատ նշանակալի դերակատարություն: Տարածաշրջանի այսօրվա հարաբերական խաղաղությունը, հայ-ադրբեջանական զինադադարը հնարավոր է եղել հենց նրա գործուն մասնակցությամբ:
Այս մասին ՙԱ1+՚-ին պատմեց պաշտպանության նախկին նախարար, գեներալ-լեյտենանտ Վաղարշակ Հարությունյանը, որը եւ ՌԴ-ում աշխատելու տարիներին եւ Հայաստանում պաշտոնավարելու ընթացքում նրա հետ ունեցել է բարեկամական հարաբերություններ: Նա այսօր խոր վշտով ցավակցում է Պավել Գրաչովի ընտանիքին, հարազատներին ու մերձավորներին.ՙՌուսաստանը կորցրեց իր երեւելի զավակներից մեկին, իսկ Հայաստանը իր լավ բարեկամին՚:
ՙՊավել Գրաչովը Ռուսաստանի համար պատմական հրադարձությունների հորձանուտում հայտնվեց 1991 թվականի ԳԿՉՊ-ի ժամանակ, երբ լինելով օդադեսանտային զորքերի հրամանատար, հրաման էր ստացել ԽՍՀՄ պաշտպանության նախարար Դմիտրի Յազովից Մոսկվայում վերցնել հսկողության տակ ռազմավարական նշանակության օբյեկտները: Երբ նա ստացավ հրաման գրոհել Գերագույն խորհրդի շենքի վրա, որտեղ գտնվում էին Բորիս Ելցինը եւ իր կողմնակիցները, նա անհամաձայնություն հայտնեց եւ անցավ Ելցինի կողմը՚,- պատմեց նա:
ԳԿՉՊ-ից հետո Պավել Գրաչովը նշանակվում է ՌԴ պաշտպանության կոմիտեի նախագահ եւ Խորհրդային միության պաշտպանության նախարարի առաջին տեղակալ: Իսկ խորհրդային միության փլուզումից հետո՝ ԱՊՀ միասնական զորքերի գլխավոր հրամանատարի առաջին տեղակալ, ապա ՌԴ պաշտպանության նախարար:
Մանրամասն՝ կարդացեք այստեղ
