Սեպտեմբերի 21-ին Եվրոպայի խորհրդի թրաֆիքինգի դեմ պայքարի ԵԽ փորձագիտական խումբը (GRETA) Հայաստանի վերաբերյալ իր առաջին զեկույցն է հրապարակել:
Զեկույցում GRETA-ն գոհունակություն է հայտնել Հայաստանի իշխանություններին թրաֆիքինգի դեմ պայքարում կարևոր քայլեր ձեռնարկելու համար, մասնավորապես` հասարակության իրազեկման բարձրացման և համապատասխան մասնագետներ պատրաստելու համար: Այնուամենայնիվ, GRETA-ն գտնում է, որ խոցելի խմբերի, հատկապես երեխաների, իրազեկության բարձրացման համար ավելի նպատակահարմար միջոցառումներ պետք է իրականացվեն:
Զեկույցում ընդգծվում է, որ թրաֆիքինգի զոհերի բացահայտման այժմյան գործընթացը բավարար արդյունավետ չէ, և կոչ է արվում Հայաստանի իշխանություններին, որպեսզի բացառեն թրաֆիքինգի զոհերի մասնակցությունը քրեական դատավարություններին: Բացի դա, թրաֆիքինգի զոհերին փոխհատուցման իրավունքների վերաբերյալ պատշաճ տեղեկություններ պետք է տրամադրվեն, ինչպես նաև առաջարկվում է ստեղծել պետական փոխհատուցման ծրագիր, որը հասանելի կլինի թրաֆիքինգից տուժածների համար:
Կարդացեք նաև
GRETA-ի կատարած զեկույցի հիման վրա կոնվենցիայի կողմերը կքննարկեն ՀՀ իշխանությանը ուղղված առաջարկությունները ընդունելու հարցը:
