Ամեն քաղաքի կարեւոր մասը զուգարաններն են, որոնցով հեշտ է դատել մարդկանց նկատմամբ վերաբերմունքի մասին: Այդպես է կարծում եվրոպական տարբեր քաղաքներում ֆոտոճանապարհորդություններ անցկացրած բլոգեր zyalt-ը: Ըստ նրա՝ Ռուսաստանում ընդհանրապես չկան հասարակական նորմալ զուգարաններ, եւ նման հաստատություն ամեն այցելություն մարդու համար վերածվում է սթրեսի. «Մղձավանջային երազներում եմ տեսնում իմ դպրոցի զուգարանները, որտեղ անգամ պատեր չկային, փոխարենն անտանելի հոտ էր, կեղտ ու մշտապես այնտեղ ծխող ֆիզկուլտուրայի ուսուցիչը: Քաղաքային զուգարաններում մոտավորապես նույն պատկերն է»:
Մինչդեռ ամեն քաղաքի պետք են մաքուր, գեղեցիկ եւ հաշմանդամների համար մատչելի զուգարաններ: Զուգարանը կարող է լինել քաղաքի զարդը՝ պնդում է բլոգերը եւ ցուցադրում, թե ինչպես է այդ խնդիրը լուծվել Եվրոպայում:
Սա զուգարան է Բեռլինում:
Փարիզում զուգարաններն ամեն քայլափոխի են, եւ դրանց պատերն օգտագործվում են քաղաքում կողմնորոշող քարտեզների համար:
Հոլանդիայում զուգարաններն ուղղակի արվեստի գործ են:
Այս զուգարանների ներսում մաքուր է, ընդարձակ ու լուսավոր:
Դրանցից հանգիստ կարող են օգտվել հաշմանդամները: Այստեղ կարելի է նաեւ երեխայի խանձարուրները փոխել:
Բոլոր այս զուգարաններն ամեն այցելուից հետո ավտոմատ կերպով լվացվում են:
Իսկ հիմա համեմատության համար՝ զուգարան Մոսկվայում: Դրա հմայքը հսկիչ տատիկն է, որը մի խցիկն օգտագործում է իբրեւ իր բնակավայր, որտեղ իր իրերն է պահպանում ու գուլպաներ գործում:
