Սլովակիայի Կոշիցե քաղաքում ավարտվեց ծանրամարտի աշխարհի երիտասարդական առաջնությունը, որին Հայաստանից մասնակցեցին վեց մարզիկներ:
Աշխարհի առաջնության իսկական հերոսը դարձավ 77 կգ քաշային Անդրանիկ Կարապետյանը, որը ոչ միայն երեք ոսկե մեդալ նվաճեց, այլեւ սահմանեց պատանիների աշխարհի երկու ռեկորդ. պոկում վարժությունում՝ 155 կգ եւ երկամարտում՝ 331 կգ: Մեր թիմի հաշվարկին մեկ փոքր բրոնզ բերեց 94 կգ քաշային Սիմոն Մարտիրոսյանը, որը 183 կիլոգրամով դարձավ հրում վարժության երրորդ մրցանակակիր:
Ոչ պաշտոնական թիմային հաշվարկում Հայաստանը գրավեց 7-րդ տեղը, իսկ մեդալների հաշվարկով՝ 4-րդը:
Աշոտ ՀԱԿՈԲՅԱՆ
