Սեպտեմբերի 19-ին Նոյեմբերյան քաղաք է ժամանել Տավուշի մարզպետ Արմեն Ղուլարյանը: Նա ժամը 14-ին քաղաքապետարանի շենքում հանդիպում է ունեցել Նոյեմբերյանի տարածաշրջանի համայնքների ՀՀԿ անդամ ղեկավարների, հիմնարկ-ձեռնարկությունների, հանրակրթական դպրոցների տնօրենների հետ: Հանդիպմանը մասնակցած մեր աղբյուրների վկայությամբ՝մարզպետն ասել է, որ սեպտեմբերի 23-ին կայանալիք ՏԻՄ ընտրություններում պետք է պաշտպանել ՀՀԿ անդամ համայնքապետերին, աջակցել նրանց ընտրությանը:
Ոսկան ՍԱՐԳՍՅԱՆ
Հ. Գ. Նշենք, որ 168.am-ը մարզպետ Աշոտ Ղուլարյանից հետաքրքրվել է, թե ինչո՞ւ է աշխատանքային ժամին զբաղվել կուսակցական գործունեությամբ, ինչն օրենքով արգելվում է: Ի պատասխան, Ա. Ղուլարյանը մասնավորապես ասել է. «Չկա այդպիսի բան: Մարզպետը ուղղակի պարտավոր է ընտրություններից առաջ ազատ, արդար և օրենքի պահանջներին համապատասխան ընտրություններ կազմակերպել, և ընտրություններն օրենքի տառին համապատասխան անցկացնելու համար բոլոր կառույցները պետք է աջակցություն ցուցաբերեն, պարտավոր են աշխատանքներ իրականացնել»:
Ըստ Ա. Ղուլարյանի` ինքը զուտ հանդիպում է ունեցել ղեկավարության հետ, որի նպատակն է եղել ապահովել ՏԻՄ ընտրությունների արդար ընթացքը:
