Բարրի եւ Էնն Ուոթսոններն ամուսնացել էին դեռ 2002 թվականին: Եվ ահա, ինը տարի անց Բարրին վիրահատությամբ փոխել է սեռը, սակայն դա չի անդրադարձել ամուսինների երջանիկ կյանքի վրա: Նրանք որոշել են շարունակել համատեղ ապրել երկրորդ անգամ ամուսնանալով. կինը՝ կնոջ հետ:
Դեռ մանուկ հասակից Բարին ավելի շատ շփվել է աղջիկների հետ, ֆուտբոլ խաղալու եւ տղայական այլ զբաղմունքների փոխարեն աղջկական խաղեր խաղացել, երբ մայրը տանը չէր, հագել նրա զգեստները:
Սկզբում ամուսնու՝ սեռը փոխելու որոշումը ցնցող լուր է եղել Էննի համար: Սակայն հիմա, երբ նա արդեն համակերպվել է այդ իրողության հետ, զույգն ավելի երջանիկ է թվում, քան երբեւէ:
Աշոտ ՀԱԿՈԲՅԱՆ
