նկարը՝ court.am-ի
«Օլիմպ» արտադրական կոոպերատիվի ներկայացուցիչ, ՀՀ փաստաբանների պալատի անդամ Տիգրան Հայրապետյանը դիմել է
ՀՀ արդարադատության խորհրդին՝ Կենտրոն եւ Նորք-Մարաշ վարչական շրջանների ընդհանուր իրավասության դատարանի դատավոր Գայանե Կարախանյանի վարքագծի վերաբերյալ կարգապահական վարույթ հարուցելու խնդրանքով:
Հիշեցնենք, որ «Օլիմպ» արտադրական կոոպերատիվը հասարակության և պետության կարիքների համար սեփականությունը օտարելու պայմանագիր կնքելուն պարտավորեցնելու պահանջի մասին հայց էր ներկայացրել դատարան:
Դատավոր Գ.Կարախանյանի կողմից 22.06.2012թ.-ին հայցադիմումը ընդունվել է վարույթ:
Կարդացեք նաև
Դատավորին փաստաբանը հայտնել էր ինքնաբացարկ՝ նրա անաչառության և անկողմնակալության վերաբերյալ կասկած հայտնելով: Դատավորը մերժել է ինքնաբացարկ հայտնելու միջնորդությունը:
Տիգրան Հայրապետյանը ասում է, որ նախկին «Միլանո» խանութի շենքի օտարման հարցերով նույն դատավորն արդեն երկու անգամ գործ էր լսել և երկու անգամն էլ որոշում էր կայացրել ի վնաս գույքի սեփականատիրոջ: Ընդ որում՝ մեկ անգամ գործը քննվել էր առանց սեփականատիրոջ մասնակցության, ով չէր ստացել դատական ծանուցումը, և գործը ավարտվել էր 15-20 րոպեում, որի ընթացքում հնարավոր չէր անգամ արագ թերթել գործի նյութերը:
Մյուս գործով դատավոր Գ.Կարախանյանը համառորեն չէր ցանկացել նույն գույքի սեփականատիրոջ հայցը ընդունել վարույթ և 3 անգամ մերժվեց հայցի ապահովման միջոցներ կիրառելու միջնորդությունը, ինչի արդյունքում քանդվեց այն գույքը, որի նկատմամբ ցանկանում էր սեփականություն ձեռք բերել նախկին սեփականատերը: Ըստ փաստաբանի, գործը դեռևս դատարանում չքննված՝ փաստացի դատական պաշտպանությունը դարձել է անիմաստ:
Փաստաբանը դիմելով ԱԽ-ին, գրել է, որ եթե դատավորի այս բոլոր գործողությունները եղել են բացարձակ օրինական և հիմնավոր, միևնույն է՝ այս հանգամանքների ուժով հայցվոր կողմի մոտ առաջացել են կասկածներ այս գործով նրա անաչառության և անկոմնակալության շուրջ, քանի որ այս հանգամանքները ցանկացած անկողմնակալ դիտորդի տեսանկյունից կարող են կասկածներ հարուցել դատավորի ամկողմնակալության վերաբերյալ: Այսպիսով, դատավորը պետք է ինքնաբացարկ հայտներ, որը չի կատարել, հետևաբար դատավորը չի առաջնորդվել օրենքով:
«Օլիմպի» ներկայացուցիչը խնդրում է ԱԽ-ից՝ կարգապահական վարույթ հարուցել Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի դատավոր Գայանե Կարախանյանի նկատմամբ:
