Կառավարությունը ժամանակավրեպ համարեց «Բնապահպանական եւ բնօգտագործման վճարների մասին» օրենքում փոփոխություններ եւ լրացումներ կատարելու մասին ԱԺ ՀԱԿ խմբակցության պատգամավոր Հրանտ Բագրատյանի օրենսդրական նախաձեռնությունը: Ֆինանսների նախարար Վաչե Գաբրիելյանի ներկայացմամբ, Բագրատյանն իր առաջարկության մեջ նշել է, որ 2011 ի դեկտեմբերի օրենսդրությունները փոփոխություն չեն կրել եւ առաջարկվում է 4 անգամ մեծացնել վճարները: Բայց կառավարությունը դեմ է, որովհետեւ հաշվարկման բանաձեւի կիրառումը 2012-ի ընթացքում նոր ազդեցություն չի ունենա, այս տարվա արդունքների վրա ազդեցություն կունենա հաջորդ տարվանից:
Պարոն Գաբրիելյանի խոսքերով, եթե ընդունեն այս առաջարկությունը, խնդիրներ կունենան ներդրողների եւ շահագործողների հետ: Պարոն Գաբրիելյանն ասաց, որ պատրաստ են վերանայել խնդիրը 2013-ի արդյունքները քննարկելով:
Արփինե ՍԻՄՈՆՅԱՆ
