Սեպտեմբերի 18-ին ավելի քան 900 ֆրանսահայեր իրենց դժգոհությունը հայտնեցին Փարիզ Ադրբեջանի նախագահ Իլհամ Ալիեւի այցի կապակցությամբ ՝ ընդամենը մի քանի օր անց այն բանից հետո, երբ ներում շնորհվեց Գուրգեն Մարգարյանի մարդասպան Ռամիլ Սաֆարովին:
Ադրբեջանի դեսպանատան դիմաց Ֆրանսիայի խորհրդարանի եւ սենատի մի քանի անդամներ էին, այդ թվում՝ Ֆրանսուա Ռոշբլուանը, Ռընե Ռուքեն, Ֆրանսուա Փուփոնին, Ֆիլիպ Կալթենբախը եւ Վալերի Բուայեն (Հայոց ցեղասպանության ժխտումը դատապարտող օրինագծի հեղինակը), որոնք հայտարարեցին, թե Սաֆարովի գործը միջազգային արդարադատության ոտնահարում է:
Ֆրանսիայի հայկական կազմակերպությունների առաջնորդները՝ Արա Թորանյանը Մուրադ Փափազանը, Հարութ Մարտիրոսյանը, Հրաչ Վարժապետյանը եւ Եղիշե Գորիզյանը դատապարտեցին «բռնակալ Ալիեւի» ներկայությունը Ֆրանսիայի հողի վրա:
Կարդացեք նաև
Հավաքվածները վանկարկում էին՝ «Ալիեւ, ֆաշիստ, հեռացիր Ֆրանսիայից», «Սաֆարովին՝ բանտ» եւ «Ղարաբաղը պատկանում է մեզ, ոչ թե Բաքվին»:
Ժան Էկյան
Փարիզ
