PanArmenian Photo
«Ես չեմ կարծում, որ Քոչարյանը որեւէ ձեւով շանս ունի վերադառնալ քաղաքական դաշտ: Իրեն կվերադարձնեն հետո, բայց այսօր դա չի լինի»,- այսօր «Հայելի» ակումբում խոսելով նախագահական ընտրություններում միասնական թեկնածուի մասին՝ այսպիսի տեսակետ հայտնեց ՀՀՇ վարչության անդամ Հովհաննես Իգիթյանը:
Aravot.am-ը ճշտեց՝ ՀԱԿ-ի միասնական թեկնածո՞ւն էլ չի լինի՝ պարոն Իգիթյանը պատասխանեց. «Նա նույնիսկ ՀՀԿ-ի թեկնածուն չի լինի կամ նույնիսկ ԲՀԿ-ի թեկնածուն կարող է նույնիսկ չլինել: Հաստատ ՀԱԿ-ի թեկնածուն չի, հաստատ ՀՀԿ-ի թեկնածուն չի: Իսկ ինչ վերաբերում է ԲՀԿ-ին, հաստատ կգնա իրեն վարկաբեկելու ճանապարհով, եթե իր թեկնածու առաջադրի Ռոբերտ Քոչարյանը»: Մեր հարցին՝ կարո՞ղ է ՀԱԿ-ը Ձեզ անակնկալներ մատուցի՝ նա վստահեցրեց, որ այդ լուրերը, որ Ռոբերտ Քոչարյանը կարող է լինել ՀԱԿ-ԲՀԿ թեկնածու, անհնար է, որ իրականանան:
Հռիփսիմե ՋԵԲԵՋՅԱՆ
