Հայաստանի կոմունիստական կուսակցության գլխավոր քարտուղար Ռուբեն Թովմասյանը լրագրողների հետ հանդիպման ժամանակ անդրադարձավ ներքաղաքական իրավիճակին, ակնկալվող զարգացումներին։ «Նախագահական ընտրությունների ժամանակ կլինի այնպես, ինչպես Ազգային ժողովի ընտրությունների ժամանակ էր, բայց մի բան պարզ է՝ պայքարը նախագահի թեկնածուների միջեւ թեժ է լինելու»,- ասաց պրն Թովմասյանը՝ դառնալով նախագահական ընտրություննեում իր առաջադրմանը։
Ըստ բանախոսի՝ նախագահական ընտրություններում առաջադրվելու համար լուրջ ռեսուրսներ են պետք ու դա միայն գրավը չէ։ Թովմասյանը նշում է. «Մենք միշտ եղել ենք ու կանք պրոլետարիատի կուսակցություն, մեր կուսակցության վերադաս օրգանը դեռ կորոշի՝ մասնակցել նախագահական ընտրություններին, թե ոչ, կամ՝ ում առաջադրել»:
Պրն Թովմասյանը հիմնական թեկնածու տեսնում է միայն կոմկուսին, որը, ըստ նրա՝ ժողովրդին տվել է ամեն ինչ։
Կարդացեք նաև
Անդրադառնալով ընտրությունից ընտրություն կուսակցությունների փող բաժանելուն, ակտիվանալուն, Թովմասյանը նշեց՝ այդպես են անում, դրա համար էլ մեր վիճակն այս է։
Կոմունիզմն, այնուամենայնիվ, վերադառնալու է. համոզված է կոմունիստական կուսակցության նախագահը։ Թե երբ եւ ինչպես է վերադարձվելու կոմունիզմը հարցին ի պատասխան՝ պրն Թովմասյանն ասաց. «2017 թվականին Հոկտեմբերյան հեղափոխության 100-ամյակի կապակցությամբ»:
Եվա ՀԱԿՈԲՅԱՆ
