Նախագահական ընտրություններին ընդառաջ լուրեր են շրջանառվում, որ Ռոբերտ Քոչարյանը կարող է լինել ՀԱԿ-ԲՀԿ միասնական թեկնածուն: Aravot.am-ը ՀՅԴ բյուրոյի անդամ Վահան Հովհաննիսյանից հետաքրքրվեց, թե ինչքանո՞վ է դա հավանական: Պարոն Հովհաննիսյանը պատասխանեց. «Ի՞նչ ասեմ, եթե դուք պատկերացնում եք, որ Ռոբերտ Քոչարյանը կարող է համաձայնվի ՀԱԿ-ի թեկնածու դառնալ…»: Մենք հարցրեցինք՝ բայց ՀԱԿ-ը կհամաձայնվի՞, որ նա իրենց թեկնածուն լինի՝ պարոն Հովհաննիսյանն ի պատասխան ասաց. «Այ ՀԱԿ-ը կհամաձայնվի: Այնպես որ, ես դա հավանական չեմ գտնում՝ ավելի շատ Ռոբերտ Քոչարյանի կողմից, որ նա կարող է ՀԱԿ-ի թեկնածուն լինել: Ես կարծում եմ, որ Ռոբերտ Քոչարյանը դժվար թե համաձայնվի ՀԱԿ-ի թեկնածուն լինել, եթե, իհարկե, ընդհանրապես որոշի թեկնածու լինել, ինչում ես նույնպես կասկածում եմ»:
Հռիփսիմե ՋԵԲԵՋՅԱՆ
Կարդացեք նաև
