Այսօր «Հենարան» ակումբում տեղի ունեցավ «Խոնարհ հերոսներ» վավերագրական ֆիլմաշարի` 30-րդ ֆիլմի շնորհանդեսը: Կինոնկարի ռեժիսոր, սցենարիստ Սամվել Թադեւոսյանն ասում է, որ այն նվիրված է Արցախի հերոսամարտում զոհվածներին. «Վերջին տասը տարին զբաղված եմ եղել Լաչինի ֆիլմին նվիրված աշխատանքներով: Վերջապես այս տարի կարողացա ավարտել ֆիլմը: Շուտով կլինի ֆիլմի պրեմիերան: Ֆիլմը թարգմանվելու է չորս լեզուներով, նույնիսկ ադրբեջաներեն»:
«Ի վերջո արեցինք մի ֆիլմ, որը ծայրահեղ ճշմարտությամբ ներկայացնում է ամբողջ իրականությունը: Տեւողությունը մոտ 40 րոպե է»,- նշեց Թադեւոսյանը:
Օպերատոր Ռուբեն Հովհաննիսյանը Սամվել Թադեւոսյանի հետ վաղուց է համագործակցում: Նա փաստեց, իրենք իրար օգնում են արխիվների հարցում: Կարծում է` նոր սերնդի դաստիարակության գործում ֆիլմը մեծ դեր կկատարի:
Արամ ԱՐԱՐԱՏՅԱՆ
