«Սիվիլիթաս» հիմնադրամի դեմ ԱԱԾ-ի կողմից 25.05.2012 թ. քրեական գործ հարուցելու մասին որոշումը վերացնելու պահանջով սկսված դատավարությունը այսօր Վերաքննիչ քրեական դատարանում հետաձգվեց դատավոր Հենրիկ Տեր-Ադամյանի որոշմամբ՝ դատախազ Հովսեփ Սարգսյանի եւ ԱԱԾ-ի քննչական վարչության պետի տեղակալ Միքայել Համբարձումյանի բացակայության պատճառով:
Այն տեղի կունենա սեպտեմբերի 26-ին:
Դատավորը ասօրվա նիստի ընթացքում արգելեց տեսագրումն ու ձայնագրումը, պատճառաբանելով, որ նախորդ անգամ Վ. Օսկանյանի գործով դատավարությունը պատշաճ կերպով չի լուսաբանվել։
«Սիվիլիթաս» հիմնադրամի ներկայակուցիչ Արթուր Գրիգորյանը նիստից հետո լրագրողների հետ զրույցում ասաց, որ հաջորդ նիստին միջնորդելու է վերանայել դատավորի այս որոշումը, հակառակ դեպքում իր մեջ դատավորի անկողմնակալության առումով կասկածներ կառաջանան։
Մանրամասները կներկայացնենք ավելի ուշ։
Արփինե ՍԻՄՈՆՅԱՆ
