Հռոմի պապ Բենեդիկտոս 16-րդը Լիբանան այցի ժամանակ հյուրընկալվել է նաև Զմմառի կաթոլիկ պատրիարքական միաբանության Աստվածամոր վերափոխման վանքին, հայտնում է Aztag Daily-ն:
Բենեդիկտոս 16-րդը վանք է ժամանել Միջին Արևելքի կաթոլիկ պատրիարքների և իր պատվիրակության, հայ կաթոլիկ հոգևորականների և հավատացյալների ուղեկցությամբ:
Պապն օրհնել է հայ առաջին տպագրիչ, հրատարակիչ Հակոբ Մեղապարտի նոր արձանը, որը կառուցվել է Հայ գրատպության 500-ամյա հոբելյանի առիթով:
Հանդիպումն ավարտվել է կաթոլիկ քահանայապետի պատգամով և օրհնությամբ: Հռոմի պապը մասնավորապես ասել է. «Հակոբ վանականը՝ կոչված մեղապարտ, մեզ համար օրինակ է՝ աղոթքի, նյութական արժեքներից ձերբազատվելու և Քրիստոս Փրկչի հանդեպ հավատարմության: Բարդուղիմեոս և Թադևոս առաքյալների, Սբ. Գրիգոր Լուսավորչի բարեխոսությամբ խնդրենք Տիրոջից, որ օրհնի հայ հասարակությունը»:
Կարդացեք նաև
