«Ռամիլ Սաֆարովին ազատ արձակելը առաջին մեղմ ազդանշանն էր, որով մեզ ասացին՝ տղերք, հետո ավելի բարդ է լինելու, սրանք դեռ ծաղիկներն են: Իհարկե մենք չընդունեցինք դա, բայց այդ ամենը մի քանի թատերական ներկայացում ցույց տալու սահմաններում էր»,- այսօր լրագրողների հետ հանդիպման ժամանակ ասաց «Ղարաբաղ» կոմիտեի անդամ Աշոտ Մանուչարյանը, ըստ որի, Սաֆարովի արտահանձնումը մեզ համար ճակատագրի կողմից «մեսիջ» էր, բայց այդ քայլը պլանավորված էր:
«Հունգարիային պարզապես «պոդստավկա» արեցին, արդյունքում նա հայտնվեց անհեթեթ իրավիճակում: Եվրոպական բոլոր կառույցների գործողությունները բացարձակ թատերականացում են: Եվրախորհրդի այս կարգի արձագանքը նշանակում է, որ աշխարհը չի ուզում արձագանքել, դա իր համար գոյություն չունեցող փաստ է, եւ նավթն ավելի կարեւոր է, քան սկզբունքները»,-նշեց Մանուչարյանը:
Իսկ ինչ վերաբերվում է պատերազմի հավանականությանը, ապա, ըստ նրա, այն զրո է:
Կարդացեք նաև
Եվա ՀԱԿՈԲՅԱՆ
