Դալիթան կրկին ուրախացրեց շատերին իր նոր տեսահոլովակով. «Դու չկաս», այսպես է կոչվում նրա նոր երգը, որը Youtube-ում հայտնվել է օրեր առաջ և մինչ այսօր գրանցել է 1400-ից ավելի դիտում: Կարծիքները մեծամասամբ դրական են, բայց կան նաև բացասականները. «Դալիթա ջան, երգը լավնա, բայց կլիպը կարար ավելի լավը լիներ. երգին համապատասխան չէր», «Երգը կարծես լինի ցուցադրություն պարզապես գեղեցիկ շնորհալի աղջնակի՝ տափակ երգի միջոցով, երգը շատ է թույլ՝ երկրորդ պլան մղված, առաջին պլանում մազեր, պար, կոմպյուտերային էֆեկտներ. Kоманда круче песни», «Շատ լավ երգ է»:
Դալիթայի ֆեյսբուքյան էջը նույնպես ողողված է շնորհավորանքներով և տեսահոլովակի մասին դրական կարծիքներով. «Իսկական հեքիաթի աղջիկ ես, Դալի», «Շատ սիրեցի, շատ լավ աշխատանքա արված, գերազանց ա»… Նշեմ, որ երգի երաժշտության և խոսքերի հեղինակը Րաֆֆի Ալթունյանն է, տեսահոլովակի ռեժիսորը՝ Ալեն Սիմոնյանը:
Տիգրանուհի Թասլակյան
