«Որեւէ առիթ բաց չենք թողնում մարտի 1-ի հանցագործներին պատասխանատվության կանչելու հարցը պահելու ե’ւ ներքին քաղաքական, ե’ւ միազգային օրակարգի մեջ : Չեմ էլ պատկերացնում` որեւէ մեկն ունի որեւէ հիմք նման բան ասելու»,- ասաց ԱԺ ՀԱԿ խմբակցության ղեկավար Լեւոն Զուրաբյանը` անդրադառնալով մարտի 1-ի զոհերի հարազատների այն պնդումներին, թե արմատական ընդդիմությունն ու իշխանությունը հավասարապես սպանում են մարտի 1-ի 10 զոհերի հետաքննությունը:
«Դրա վերջին դրսեւորումներն էին մեր խմբակցության հարցը Հայաստան ժամանած Եվրամիության նախագահին, որից ստացել ենք գոհացուցիչ պատասխան, դրա վկայությունն է այն, որ մեր հայտարարություններում դրա մասին խոսել ենք, եւ դրա վկայությունն է նաեւ այն, որ մեզ համար առաջնային է մարտի 1-ի պատասխանատուների խնդիրը վերհանելու հետ կապված օրինագծի ստեղծումը: Այսինքն՝ մենք մարտի 1-ի զոհերի մահվան հանգամանքների հետաքննության ժամանակավոր հանձնաժողով պետք է ստեղծենք ԱԺ-ում: Չեմ հասկանում, ինչ հիմք կարող է լինել նման բան ասելու համար»,- հավելեց պարոն Զուրաբյանը:
Արփինե ՍԻՄՈՆՅԱՆ
Կարդացեք նաև
