«Մենք առանց այդ էլ աշխատող տնտեսություն չունենք, եւ ներքին հարկերը բավարար չեն բյուջեն համալրելու համար: Հիմա վերացնում ենք մաքսատուրքերը եւ ի՞նչ ենք անում՝ բնակչության վրա դրվող հարկերն ենք բարձրացնում: Այս անհեթեթության վերջը պիտի դրվի»,- «Առավոտին» «ԱՊՀ-ում ազատ առեւտրի գոտու մասին» խորհրդարանի վավերացրած պայմանագրին վերաբերող իր վրդովմունքը փոխանցեց «Ժողովրդի իշխանություն» կուսակցության համակարգող Զոյա Թադեւոսյանը: «Ամոթ չէ չիմանալը, ամոթ է չիմացած բանի համար «կողմ» քվեարկելը: Ես ապշած եմ այս խորհրդարանի անորակ վիճակից»,- դիմելով պատգամավորներին՝ ասաց մեր զրուցակիցը:
«Առավոտ» օրաթերթ
