Բորիս Ակունինը վարկաբեկող հադվածում իր անունը օգտագործելու բողոքով հայց է ներկայացրել «Սպիդ ինֆո» թերթի դեմ, հաղորդում է РИА Новости-ն:
Ինչպես նշել է Մոսկվայի իզմայիլովյան դատարանի ներկայացուցիչը Գրիգորի Չխարտիշվիլին /Բորիս Ակունինը/ խնդրում է արժանահավատ չհամարել լրագրող Զաօզերսկու կողմից «Սպիդ ինֆո»-ի համարներից մեկում տպագրած տեղեկությունները: «Ինտերֆաքսի» տեղեկատվությամբ, համաձայն հայցադիմումի, ընթացիկ տարվա մայիսին թերթը հրապարակել է Բորիս Ակունինի հետ «Առաջին գործը, որ անում եմ, գնում եմ գերեզման, իսկ երկրորդը` հասարակաց տուն» վերնագրով մի հարցազրույց:
Ակունինի խոսքերով ինքը այդ հրատարակչությանը երբեք հարցազրույց չի տվել, որի հետ կապված էլ խնդրում է իրեն վարկաբեկող հոդվածի համար վճարել բարոյական փոխհատուցում:
Դատարանի մամլո քարտուղար Անաստասիա Սեմյոնովան ճշտել է, որ Բորիս Ակունինը խնդրում է իրեն վճարել 2 մլն ռուբլի բարոյական վնասի և 1մլն ռուբլի իր մասին իրականության չհամապատասխանող տեղեկություններ տարածելու համար:
Հայցադիմումի քննարկումը նշանակված է սեպտեմբերի 19-ին:
