Ադրբեջանի գիտությունների ազգային ակադեմիայի փիլիսոփայության, սոցիոլոգիայի եւ իրավունքի ինստիտուտի բաժնի վարիչ Ալի Աբասովին հարցրեցինք Ղարաբաղյան հակամարտության լուծման հեռանկարների մասին: Նա ասաց.
– Հեռանկարները վատ են: Ես միշտ ասել եմ, ցավոք դա մնում է միակ հնարավորությունը, որ Հարավային Կովկասի բոլոր երեք երկրները պետք է մտնեն միասնական երկրաքաղաքական տարածք: Դա կարող է լինել Եվրամիությունը, Ռուսաստանի առաջարկած Եվրասիական միությունը, դա կարող էլ լինել Անդրֆեդերացիան (դա քիչ հավանական է, տարբերակներից մեկն է : Դա հանում է սահմանների հարցը, թե ինչն ում է պատկանում: Ցավոք, դա այժմ միակ հեռանկարն է:
-Այսպես ո՞նց կլինի:
–Եթե մտնում ես միասնական տարածք, ինչպես ժամանակին երեք երկրները (Հարավային Կովկասի-Ո.Ս.) խորհրդային Ռուսաստանի կազմում էին, եւ հակամարտությունները ավարտվեցին ուժի ազդեցությամբ: Ցավոք ստացվում է, որ մենք պետք է սպասենք վճռորոշ երկրների կողմից արտաքին ինչ-որ ազդեցություն՝ ասենք ԱՄՆ-ի, Ռուսաստանի, Եվրամիության կողմից, որովհետեւ այլ տարբերակները մեզ մոտ չեն ստացվում:
Կարդացեք նաև
Ոսկան ՍԱՐԳՍՅԱՆ
