Հունգարիայի հայկական ինքնավարությունը մամլո ասուլիս էր հրավիրել, որին ներկա էին Հունգարիայի բոլոր խոշոր և ազդեցիկ լրատվամիջոցները : Ասուլիսի նպատակն էր հերթական անգամ միջազգային հանրության ուշադրությունը սևեռել` հայ սպա Գուրգեն Մարգարյանին կացնահարած ադրբեջանցի մարդասպանի արտահանձնման, Բաքվում միջազգային իրավունքի մի շարք հիմնարար սկզբունքների ոտնահարմամբ ներում շնորհելու փաստի վրա:
ՀՀ սփյուռքի նախարարության Եվրոպայի հայ համայնքների վարչության տեղեկացմամբ՝ ասուլիսին մասնակցում էին Հունգարիայի հայկական ինքնավարության նախագահ Սևան Սարգսյանը, փոխնախագահներ Նիկողոս Հակոբյանը և Ալեքս Ավանեսյանը: Մեղադրանքներ հնչեցին Հունգարիայի արդարադատության համակարգի և ողջ կառավարության հասցեին: Հայկական ինքնավարությունը շարունակելու է միջազգային հանրությանը սթափեցնող իր միջոցառումները:
