«Շնորհավորում եմ մեր հասարակությանը «Ա1+»-ի՝ այսքան երկար սպասված վերադարձի համար», հայտարարել է ԱԺ հանրապետական պատգամավոր Մարգարիտ Եսայանը։
«ՉԻ»- Փաստորեն՝ «Ա1+»-ը վերադարձել է, բայց մարդկանց վրա «խաբար չկա»։ Իշխանությունները, համենայն դեպս, շատ կցանկանային հարցը հենց այդպես ներկայացնել։ Մինչդեռ, մեր կարծիբով, շատ ավելի ճիշտ կլիներ, եթե այդ հեռուստաընկերության «վերադարձի» մասին կարծիք հարցնեին նաեւ հեռուստաընկերության տնօրենից եւ պարզեին՝ նա նույնպե՞ս այն կարծիքին է, որ «Ա1+»-ը վերադարձել է։ Վերջին հաշվով՝ նույն հաջողռւթյամբ կարելի է, ասենք, սեփականատիրոջից խլել երթուղային գիծը եւ փոխարենը նախկին սեփականատիրոջը այդ նույն երթուղուց անվճար օգտվելու կտրոն տրամադրել։
Ամեն դեպքում, իհարկե, լավ է, որ «Ա1+»-ի լրատվական թողարկումները դարձյալ եթերում են։ Այլ հարց է, թե արդյո՞ք դա կարելի է գնահատել որպես առաջընթաց՝ այդ հեռուստաընկերության ոտնահարված իրավունքները վերականգնելու ճանապարհին։ Այ այստեղ արդեն իսկապես լուրջ կասկածներ կան։
«Չորրորդ ինքնիշխանություն»
