Խորհրդարանի նիստերին ԱԺ նախագահ Հովիկ Աբրահամյանը վերջին օրերին պարբերաբար դիտողություն է անում պատգամավորներին, որ չաղմկեն, չխոսեն ու չխանգարեն նիստը: Դիտողություններն ուղղվում են հատկապես ընդդիմության թեւին: Այսօր ֆինանսների փոխնախարար Վարդան Արամյանի՝ կուտակային կենսաթոշակի մասին օրինագծի ներկայացման ժամանակ Հովիկ Աբրահամյանի նյարդերը տեղի տվեցին: Դիմելով ընդդիմությանը եւ մասնավորապես ՀԱԿ պատգամավոր Արամ Մանուկյանին՝ նա ասաց. «Խնդրում ենք մի քիչ ցածր խոսել: Ես զարմացած եմ ուղղակի: Անընդհատ ասում եմ, էլի բարձր խոսում եք: Եթե շատ կարեւոր հարց եք քննակում, գնացեք ձեր աշխատասենյակում քննարկեք: Մի՛ ոտնահարեք մեր համեստությունը»:
Ի պատասխան՝ ընդդիմության պատգամավորները ժպտացին ու խնդրեցին Վարդան Արամյանին ավելի բարձր խոսել: Իսկ Հրանտ Բագրատյանը կատակեց. «Փորձ չունենք»:
Հռիփսիմե ՋԵԲԵՋՅԱՆ
Կարդացեք նաև
