Քիչ առաջ ԱԺ նիստում 91 կողմ, 2 դեմ եւ 13 ձեռնպահ արդյունքներով քվեարկվեց եւ երկրորդ ընթերցմամբ ընդունվեց ԱԺ կանոնակարգում փոփոխությունների հարցը: Մինչ քվեարկությունը ԱԺ նախագահ Հովիկ Աբրահամյանն ասաց, որ կանոնակարգում որոշել են ընդդիմության որոշ առաջարկներ ընդունել եւ համաձայնության գալ: ՀՅԴ պատգամավոր Արմեն Ռուստամյանը, որը նախորդ նիստին հայտարարել էր, որ իրենք դեմ են քվեարկելու կանոնակարգի փոփոխություններին, հայտարարեց՝ «Չնայած որոշել էինք դեմ քվեարկել, բայց դեմ չենք քվեարկի, քկվեարկենք ձեռնպահ»:
ՀԱԿ պատգամավոր Նիկոլ Փաշինյանը նկատել էր, որ Հանրային հեռուստատեսությամբ բոլորի հարցուպատասխաններն ամբողջությամբ եթեր չեն հեռարձակվել: Նրա խոսքերով՝ «Տեղի է ունեցել կանոնակարգի 35 հոդվածի կոպիտ խախտում»: Բացի այդ, նա ասաց, որ ԱԺ-ում հարցերը քվեարկության են դրվում 55 հոդվածի պահանջների հակառակ:
Այս պահին ֆինանսների փոխնախարար Վարդան Արամյանը ներկայացնում է կուտակային կենսաթոշակային օրենքում փոփոխությունների օրինագիծը:
Կարդացեք նաև
Հռիփսիմե ՋԵԲԵՋՅԱՆ
