Գարիկ Իսրայելյան. «Ռոք աստղեր բերելու գաղափարը կա, բայց կան խնդիրներ» (Տեսանյութ)

Գարիկ Իսրայելյանը եւ Բրայան Մեյը. Լուսանկարը՝ Bravo.am-ի

Երեկ «Սինոփսիս Արմենիա» տեղեկատվական տեխնոլոգիաների կենտրոնում Եվրոպական աստղաֆիզիկայի կենտրոնի գիտաշխատող, ֆիզմաթ. գիտությունների դոկտոր, պրոֆեսոր Գարիկ Իսրայելյանը հանդիպում ունեցավ ՀՀ նախագահի ամենամյա կրթական պարգեւի «Հաղթողների ակումբի» անդամների հետ:

Պարոն Իսրայելյանը ակումբի երիտասարդ անդամներին ծանոթացրեց աստղագիտության ոլորտում վերջին տարիներին տեղի ունեցած ձեռքբերումներին: Աստղաֆիզիկոս Իսրայելյանը նրանց հետ զրուցեց երկրի ներքին էներգիայի, մոլորակների դասավորվածության, ուղեծրերի, միգամածության եւ երիտասարդ կադրերին հետաքրքրող այլ հարցերի մասին:

Քանի որ Գարիկ Իսրայելյանը իր անձնական կապերի շնորհիվ նաեւ նպաստել է, որ աշխարհահռչակ ռոք աստղեր հյուրախաղերով գան Հայաստան, Aravot.am-ը հետաքրքրվեց, արդյոք այդ նախագիծը ունենալո՞ւ է շարունակություն: Գ. Իսրայելյանն ասաց. «Հրավիրելու գաղափարը կա, բայց խնդիրներ կան»:

Պարոն Իսրայելյանի պատասխանի մանրամասները` տեսանյութում.

Արմինե ՀՈՎՀԱՆՆԻՍՅԱՆ