Երեկ Արաբկիր, Քանաքեռ-Զեյթուն համայնքների ընդհանուր իրավասության դատարանը՝ դատավոր Ռուբեն Բունիաթյանի նախագահությամբ, ամբողջությամբ մերժել է Արթուր Գրիգորյանի հայցն ընդդեմ ՀՀ նախկին վարչապետ Հրանտ Բագրատյանի։ Հիշեցնենք, որ Բագրատյանն առաջինն էր, որ, արձագանքելով մեր եւ փաստաբան Արթուր Գրիգորյանի վեճին, հայտարարեց, որ մեր էլեկտրոնային կայքում ընթերցողների գրած քոմենթները՝ Արթուր Գրիգորյան փաստաբանի մասին, իրավացի են. ինքն օգտվել է վերջինիս ծառայություններից եւ հրապարակավ հայտարարում է, որ նա խաբեբա է։ Բագրատյանի խոսքերը եւ եւս հինգ անձի մեզ տված հարցազրույցները Ա. Գրիգորյանը դիտարկեց որպես վիրավորանք ու զրպարտություն եւ դիմեց դատարան: Ընդ որում՝ բոլոր հայցերով նա պահանջում էր մեծ փոխհատուցումներ սահմանել, պարտադրել, որ հերքեն իրենց ասածները։ Իսկ որպես հայցի ապահովման միջոց՝ դատարաններն արգելանք էին դրել Գրիգորյանին քննադատել համարձակված բոլոր անձանց գույքի եւ նյութական միջոցների վրա։ Հրանտ Բագրատյանի գործով վճիռն արդեն չորրորդն է, որտեղ փաստաբանը պարտություն է կրում:
«Հրապարակ»
