ՀԱԿ խմբակցության պատգամավոր Արամ Մանուկյանը հարց ուղղելով կառավարության անդամներին, խոսեց Արմավիրի մարզի Բամբակաշատ գյուղում ՏԻՄ ընտրությունների ժամանակ տեղի ունեցած ծեծկռտուքների մասին, հղում անելով ԶԼՄ-ների հրապարակումներին:
Պարոն Մանուկյանը հետաքրքրվեց՝ ի՞նչ է արվել այդ իրադարձություններից հետո համայնքի բնականոն առօրյան ապահովելու համար, քանի որ տեղացիները դժգոհում են եւ անհանգստացած են:
Նկատի ունենալով այն հանգամանքը, որ այդ միջադեպում շոշափվում է գյուղապետի եւ պատգամավորներից մեկի որդու անունը, Արամ Մանուկյանը կարծիք հայտնեց, որ ճիշտ կլինի, որպեսզի ԱԺ նախագահը եւ ոստիկանապետը իրենց ուշադրության կենտրոնում պահեն այդ գործը եւ տվյալ համայնքում կայանալիք ընտրությունները: «Ես երաշխիքներ եմ ուզում»,- ասաց Արամ Մանուկյանը:
Կարդացեք նաև
ԱԺ նախագահ Հովիկ Աբրահամյանը հայտարարեց, որ կառավարությունը ցանկանում է գրավոր պատասխանել Մանուկյանի հարցին: Վերջինս չընդդիմացավ:
Նելլի ԳՐԻԳՈՐՅԱՆ
