«Երբ Aravot.am-ին ենք անդրադառնում, համոզվում ես, որ դատախազությունը տապալել է Արտակ Նազարյանի գործը եւ նրանք դիմել են մեղադրական եզրակացությունը դատաքննության այս փուլում հրապարակելուն, դատավորի եւ մասնակիցներիս նկատմամբ ճնշում գործադրելու նպատակով: Արտակ Նազարյանին ինքնասպանության հասցնելու գործի դատաքննությունը ընթանում է էական խախտումներով, անարդյունավետ: Դատավոր Մարդանյանը ոչ թե անկողմնակալ պրոցես է ղեկավարում, այլ ինքն էլ հանդես է գալիս որպես երրորդ մեղադրող: Իմ նկատմամբ դատավորը նույնպես հարուցել է կարգապահական վարույթ՝ կապված իմ մի միջնորդության հետ, ինչը ՀՀ փաստաբանների պալատը մերժեց: Առաջին անգամ եմ հանդիպում մի դատաքննության, երբ արգելվում է հայտարարություններ, միջնորդություններ անել»,- ասում է ամբաստանյալ Հովիկ Մանուկյանի պաշտպան, ՀՀ փաստաբանների պալատի անդամ Հրանտ Գեւորգյանը:
«Երբ Երեւանում էր քրեական գործի դատավարությունը լուսաբանվում, ապա այն Իջեւան տեղափոխելով ինչ-որ չափով մամուլը լռեցրեց: Չեմ ուզում թույլ տալ եւ ասել, թե ներկայիս հրապարակումները համապատասխանում են նախորդին, բայց հրապարակման որակը էականորեն տարբերվում է: Ինձ զայրացրեց վերջերս Aravot.am-ում «Փաստինֆո»-ի հրապարակումը: Թղթակիցը վերցրել էր մեղադրական եզրակացությունը, ամբողջովին ավելացնելով լիրիկական զեղումներ, հաշվի չառնելով, որ ներկայիս դատական քննության ընթացքում մեղադրական եզրակացության բերված ապացույցները պարզապես չի համապատասխանում գործի հանգամանքներին եւ երկրորդ՝ վկաները, ում ցուցմունքները հանդիսացել են որպես ապացույց, ոչ միայն դատարանում փոխել են, այլ գտնվել են կալանավորված վիճակում, անազատության մեջ: Իրավացի են տուժողի ներկայացուցիչները, որոնք հայտարարում են, որ Արտակ Նազարյանին սպանել են, քանի որ նախաքննական մարմինը այդ հարցին պատասխան չի տվել, ինչպես նաեւ պատասխան չի տվել՝ Նազարյանը ինքնասպա՞ն է եղել, հասցրե՞լ են, թե՞ սպանել»,- ասում է Հրանտ Գեւորգյանը:
Հ. Գ. 2010թ. հուլիսի 27-ին Արտակ Նազարյանի մահվան գործով փաստաբանի դիտարկումները կարդացեք սեպտեմբերի 14-ի «Առավոտ» օրաթերթում:
![««Նախկին» անարդար համակարգին հաջորդող «աննախադեպ» համակարգը մնաց նույնքան անարդար. ԶՈՒ Լեյտենանտ Արտակ Նազարյանի մահվան [չ]բացահայտումը՝ 14 տարի անց»](https://www.aravot.am/wp-content/uploads/2024/01/Artak-Nazaryan-437x275.jpg "««Նախկին» անարդար համակարգին հաջորդող «աննախադեպ» համակարգը մնաց նույնքան անարդար. ԶՈՒ Լեյտենանտ Արտակ Նազարյանի մահվան [չ]բացահայտումը՝ 14 տարի անց»")
