Ռուսաստանի հայերի «Երկրամաս» պարբերականը տեղեկացնում է, որ ՌԴ նախագահին առընթեր մարդու իրավունքների հարցերի Խորհրդում կարող է ազգությամբ հայ անդամ ընդգրկվել: Խորհրդի անդամները փոփոխվում են ռոտացիոն կարգով եւ այժմ անդամության թեկնածու է հայազգի Աշոտ Հայրապետյանը:
«Երկրամասը» հայտնում է, որ Հայրապետյանը Ազգամիջյան գործակցության Կենտրոնի տնօրենն է, ունի ազգամիջյան հակամարտությունների եւ ռադիկալ այլատյացության պրոֆիլակտիկայով զբաղվելու տասնամյա փորձ: Նա եւ նրա գործընկերները տարբեր միջազգային ամբիոններից՝ ՄԱԿ, ԵԱՀԿ, այլ կառույցներ, բարձրացրել են հայերի ցեղասպանության հարցը:
Պարբերականը տեղեկացնում է, որ ՌԴ նախագահին առընթեր մարդու իրավունքի հարցերի Խորհրդի անդամներն ընտրվում են էլեկտրոնային քվեարկությամբ, որը ներկայումս ընթանում է https://vote.president-sovet.ru/c/view/698380451 հասցեով, եւ Աշոտ Հայրապետյանին քվեարկել ցանկացողները կարող են մասնակցել դրան:
«Լրագիր»
