Մինչ ոստիկանությունը հետախուզում է հայտարարել ու փնտրում է Գյումրիում Վարդան Ղուկասյանի որդու` Սպարտակի հետ մենամարտած ու քաղաքի կենտրոնում կրակոցներ հնչեցրած երիտասարդներին, պարզվում է, որ այդ նույն գործի պատճառով փախուստի մեջ գտնվող Էդգար Մկրտչյանը , այսօր արդեն իսկ ընտրվել է ավագանու անդամ: Ընդ որում , այս երիտասարդը 21 հոգու մեջ զբաղեցրել է երրորդ հորիզոնականը` հավաքելով 1185 ձայն: Նշենք, որ նա իր թեկնածությունն էր առաջադրել Սամվել Բալասանյանի «Աշխատանք և արժանապատվություն» նախաձեռնող խմբով, խնամիական կապերի մեջ լինելով գործող քաղաքապետ Վարդան Ղուկասյանի հետ (նա Գյումրու ավագանու նախկին անդամ Գևորգ Առաքելյանի `Փիսոյի փեսան է, իսկ Վարդան Ղուկասյանի դստրերից մեկը Առաքելյանների հարսն է)` որոշել էր սատարել Սամվել Բալասանյանին, որi համար էլ Սպարտակը բացատրություն էր պահանջել: Հիշեցենենք, որ ջահելների ռազբորկաները սկսվել էին «Գծի հետև» թաղում` ավագանու հենց այս անդամի նախընտրական շտաբի դիմաց, այնուհետ շարունակվել էին Ղուկասյաններին պատկանող «Հրաշքների աշխարհ» մանկական խաղատան դիմաց:
Նունե ԱՐԵՎՇԱՏՅԱՆ
