Օրերս կաթնամթերք արտադրող 7 ընկերության`«Թամարա», «Արզնի», «Դուստր Մարիաննա», «Աշտարակ կաթ», «Մուլտի Ագրո», «Թամարա եւ Անի», «Բիոկաթ» արտադրանքում Սննդի անվտանգության պետական ծառայությունը հայտնաբերել էր սոդա: Ծառայության պետ Աբրաամ Բախչագուլյանն, այսօր, «Նովոստի» մամուլի ակումբում, ասաց, որ խախտում թույլ տված ընկերություններում, առայժմ, ստուգումները շարունակվում են եւ մոտ 18 օրից պարզ կլինի թե որ ընկերությունը որքան կտուգանվի, սակայն սոդայի պարունակությամբ արտադրանք թողարկելը, պարոն Բախչագուլյանի խոսքերով, 300 հազար դրամանոց տուգանք է:
Երկու օր առաջ նշյալ ընկերությունների արտադրանքից կատարած նմուշառումներում, ծառայության պետը վստահեցրեց, որ արդեն սոդան բացակայել է: Առայժմ պարզ չէ, թե սոդան կաթին ով է խառնել` գյուղացին, կաթ մթերող ընկերությունը, որը տրամադրում է արտադրողին, թե հենց արտադրողը, բայց ծառայության պետը փաստում է, որ սոդան կաթի մեջ իջեցնում է թթվայնությունը եւ կաթը երկար պահելու համար է այն խառնվել:
Լուսինե ԲՈՒԴԱՂՅԱՆ
